اتر پردیش کے بہرائچ ضلع میں بیت الخلا کی سیٹ چوری کرنے پر ایک دلت شخص کو بجلی کے کھمبے سے باندھ کر مارنے اور اس کے چہرے پر کالک پوتنے کا معاملہ سامنے آیا ہے۔ اس سلسلے میں بھارتیہ جنتا پارٹی (بی جے پی) کے ایک مقامی لیڈر سمیت تین افراد کو گرفتار کیا گیا ہے۔ ایک پولیس افسر نے یہ اطلاع دی ،ایڈیشنل سپرنٹنڈنٹ آف پولیس اشوک کمار نے اتوار کے روز کہا کہ سوشل میڈیا پر ایک ویڈیو وائرل ہوا ہے، جس میں دیکھا جا سکتا ہے کہ کچھ لوگوں نے ایک 30 سالہ دلت شخص کو کھمبے سے باندھ کر اس کے چہرے پر کالک پوتی گئ ،کمار نے کہا کہ ویڈیو میں دیکھا جا سکتا ہے کہ دلت آدمی کی آدھی مونچھیں کاٹ دی گئی ہیں، اسے مارا پیٹا گیا اور اسے گاؤں میں گھیر لیا گیا۔ معاملے کی جانچ میں پتہ چلا کہ یہ واقعہ بدھ کے روز ہردیہ پولیس اسٹیشن کے تحت واقع پورے ہند سنگھ گاؤں میں پیش آیا۔ ان کے مطابق یہ سلوک متاثرہ شخص پر ٹوائلٹ سیٹ چوری کرنے کا الزام لگا کر کیا گیا
