الہ آباد ہائی کورٹ میں انجمن انتظامات مسجد کمیٹی وارانسی ڈسٹرکٹ کورٹ کے 12 ستمبر کو دیے گئے فیصلے کے خلاف الہ آباد ہائی کورٹ پہنچی ہے کہ آیا گیانواپی مسجد اور شرینگر گوری مندر کی عرضی قابل سماعت ہے یا نہیں۔
وارانسی کے ضلع جج کی طرف سے مسلم فریق کے اعتراض کو مسترد کیے جانے کے خلاف دائر درخواست پر الہ آباد ہائی کورٹ میں سماعت ہوئی۔ اب ہائی کورٹ اس معاملے میں 19 اکتوبر کو دوپہر 2 بجے سے سماعت کرے گی سماعت کے دوران مسجد کمیٹی نے اپنا موقف پیش کرنے کے لیے عدالت سے چند دن کا وقت مانگا۔
اس معاملے کی سماعت کرنے والی بنچ نے وارانسی کے ضلع جج کی عدالت سے اس کیس سے متعلق تمام ریکارڈ طلب کیا ہے۔ تمام ریکارڈ کی فوٹو کاپی کی تصدیق شدہ کاپی 19 اکتوبر کو دوپہر 2 بجے سے پہلے عدالت میں جمع کرائی جائے گی۔ ہندو فریق کی جانب سے سپریم کورٹ کے وکیل وشنو جین اس معاملے میں عدالت میں پیش ہوئے۔