بالی ووڈ کے میگا اسٹار امیتابھ بچن کا مقبول گیم شو ’کون بنے گا کروڑ پتی (کے بی سی)‘ کے 1000 ایپی سوڈ مکمل ہونے پر وہ جذباتی ہوگئے۔ ’کون بنے گا کروڑ پتی‘ ٹیلی ویژن کے پسندیدہ شوز میں سے ایک ہے جسے سامعین کی بے پناہ مقبولیت حاصل ہے۔ اب اس شو نے اپنی 1000 قسطیں مکمل کر لی ہیں۔
اس موقع پر امیتابھ بچن کی بیٹی شویتا نندا اور نواسی نویہ نویلی نندا کے بی سی کے سیٹ پر پہنچیں۔ دونوں نے ہاٹ سیٹ پر بیٹھ کر امیتابھ کے سوالوں کا جواب بھی دیا۔اکیس سال کے طویل سفر اور کے بی سی کے 1000 اقساط کی تکمیل پر امیتابھ بچن جذباتی ہوگئے۔ سونی کے آفیشل سوشل میڈیا پیج پر شو کی ایک نئی پرومو ویڈیو شیئر کی گئی ہے۔